| you guyz are the motivation which pushes me forward |
| |
| 我們的大哲學家 - 黃子華 搵食
細個我最想就係快高長大，出黎做野，搵錢！
好ｌａ，幾經辛苦，終於大個仔ｌａ。可以出黎做野ｌａ。
我就發覺，原來我唔鐘意做野，我剩係鐘意錢咋。
咁真係好大鑊，咁就即係，一個人唔鐘意做愛，剩係鐘意高潮。 馬克思
馬克思主義係一種理論，係大學裡面既一個科目。
唔好太認真，除非你係學生，主修讀個科。
如果你依家同馬克思講：
「喂，馬生，因為你o個科，單單中國都唔知死左幾多百萬人喎。」
馬克思會話：
「o下，讀書都會讀死咁多人？你地中國日日大考呀？」 拜年
呢幾年，拜年既賀詞之中，最流行o係邊句？
祝你－－不勞而獲。
恭喜你地發財當然好，但係發財，都要有方法。
有邊一個方法，好得過不勞而獲？
不勞而獲既發財方法就係唔駛方法，唔駛方法就係最好既方法。
我地想發財，已經想到到左一個禪既景界！
不勞而獲既然可以成為新年賀詞，我期待o係未來幾年，
我地話人蛇鼠一窩，即係讚佢合群，
話人非奸即盜，即係話佢勇敢！
嘩，真羨慕你呢個家庭，真係蛇鼠一窩非奸即盜。
梗係，唔係我地點會陷家富貴！ 領導人
最近克林頓為左呢 Ｄ性醜聞，一身蟻。
喂，你話，就睇個樣，李鵬咸濕定克林頓咸濕Ｄ？
我身為男人，我話你聽，我肯定，佢地一樣咁咸濕！
但係李鵬從來冇呢Ｄ野，莫講話性醜聞，連緋聞都冇！
咪真係冇呀？唔知！唔講得！國家機密！因為佢就係領導人！
身為中國既領導人，任何醜聞，莫講話生前唔敢講，死後都唔可以提！
毛澤東有冇溝過女呀？冇！
有冇俾女溝過呀？有，江青！
咁佢下半生咪剩係同江青乜野過？咁咪好慘？
唔好再問，再問坐十二年！
呢Ｄ先叫做領導人呀麻！ 讀得書少
我唔怕醜講一句，o係我廿歲之前，
我一直都以為毛澤東同蔣介石係兩個地方名黎。
咁係丫麻，依家Ｄ人番大陸都仲話要去睇下毛澤東，
咁我咪以為係七星岩果種名勝黎之麻。 光復
我就真係唔明，日本仔打中國打左咁多年，
我地真係冇要求任何條件就俾佢投降！
就算攪唔到乜野割地賠款呀，
係咪↓起馬以後我地中國人買日本野，
都應該有個八折先？
我地應該諗Ｄ方法提醒佢地。
我地應該去日本開便利店，但係唔係叫７－１１，
係叫９１８！
思樂冰就冇ｌａ，抗日兵就大把！
買避孕套呀？
南京牌好唔好？趕盡殺絕一定冇仔生架！ Copy from Gary's Diary |
| |
